Arne Jonsson (1686–1760), skøyte 1720, fødd i Årene på Stårheim, gift med 1. Giønnete Torgieldsdotter Frislid (1693–1742) frå 123/1, gift 1743 med 2. Eli Bentsdotter (1707–1785), frå Uglen i Davik.
Born i fyrste ekteskap:
1. Eli (1724–) gift 1754 med Mattis Andersson (1700–1776), gbr. 37/1.
2. Jon Arnesson, neste brukar.
3. Torgels (1730–1764), gift 1760 med Synneve Andersdotter Dalset (1731–1789), busette seg på Føllesdal 93/2. Då han døydde, flytta ho til Haugland og gifte seg der seinare med Anders Andersson Åsen (38/3) og Hans Schonvig Jakobsson 38/3 og 38/5.
4. Hans (1734–), nemnd i skiftet etter mora i 1742.
Arne Jonsson (1756–1838), skøyte på ½ laup for 97 rdl i 1794, gift 1795 med 1. Anne Abrahamsdotter Åsebø (1758–1816), frå 60/2. Bygsla det resterande av Claus Finde i 1799. Bruk 60/2.
1. Mari/Marte (1796–1831), g. 1825 med enkemann Tollev Andersson Hanebrekke (1788–1833) på 90/4. Anne fekk ikkje barn.
2. Abraham (1799 - 1799)
3. Johannes, neste brukar.
4. Martinus (1805–1824), drukna 1824 i Eidsfjorden i lag med Erik Hansson Hanebrekke. Båten kvelva.
gift 1817 med 2. enke Kari Andersdotter Myklebust,
var gift på Haus og Eikås tidlegare (1760–1833). Ingen born i andre ekteskapet.
Klikk her for meir informasjon
Johannes Arneson (1800 – 1869), skøyte på 1 pd 6 mk i 1822 og resten på 18 mk/100 spd i 1839 frå Landmarck, gift 1824 med Sara Steffensdotter Lund (1804 – 1866).
1. Marie, gift med neste brukar
2. Johanne Marta Catrine (1830 -1919), gift 1851 med Ole Søren Ingebrigtson (1820 – 1899). Hundeide
3. Kari (1834 – 1885), gift 1857 med Ole Danielson
(1835 – 1916), Bjørhovde, 23/7.
Kasper Henriksson, f. Rysta i Eid (1820–1876), skøyte 1856, gift 1849 med 1. Marie Johannesdotter Tippen (1825–1873).
1. Johannes Karolus, neste brukar.
2. Henrik Jens (1860–1929). Emigrerte 1880 til USA og vart gift 1887 med Janika Vedvik frå 57/1 (1868–1951), som hadde emigrert i 1885. Henrik nytta etternamnet Caspersen. Dei var farmarar i Freeman, Crawford County, Wisconsin og hadde borna Casper (1887), Marie (1889), Martha (1889), Emma (1892) og Helmer (1905).
Gift 1874 med 2. Eva Hansdotter Skipenes (1832–1914).
Nemnd som kårenke utan born på Tippen i 1910.
Johan Edvard Johannesson Haugland (1883–1964), gbr, vinterfiske med småbåt, emigrerte til USA i 1903, vart US-borgar i 1910, skøyte 08.10.1923 2,96 mrk for 4000 kr, gift 01.06.1922 med Inga Johansdotter Løviknes (1899–1989), frå 38/2. Dei hadde sølvrevfarm i mellomkrigstida.
Born:
1. Gudrun (1926–1990), gift med Johan Tiedemann
Ruud Mack (1922–1999). Født på Avaldsnes, Karmøy. Døydde på Nesodden.
2. Johannes Malvin, neste brukar.
Johannes Malvin Haugland (1932–2020), fekk skøyte 22.04.1952, før han reiste i militæret, tok rekruttskulen på Steinkjersanden og resten i Tysklandsbrigaden i Kiel, gardbrukar, bygde ny lade i 1980, ugift.
Johannes dreiv gardsbruk med mjølkeproduksjon og sau fram til 1990/91. I tillegg var gris og høner ein naturleg del av gardsdrifta, og i periodar selde Johannes egg frå garden. I periodar dreiv ein med produksjon av frukt og bær som Johannes leverte både lokalt og ute ved kysten/Søre Sunnmøre.
Johannes var og med på anleggsarbeid, Håvikbygget på Eid og tunnelen i Ålfoten m.m. Han var også med på sildearbeid i Måløy som mange andre her i bygda. Han var og i periodar sjåfør for Johan Løviknes og Smørdal Trevarefabrikk.
Terje Johannes Mack (1952–), skøyte 21.03.2000, har utdanning innan datafag.
Han var lærar ved IT-linja på Eid vidaregåande skule, tok til i nyoppretta stilling som EDB-konsulent i Sparebanken Vest. og IT ansvarleg i Domstein ASA.
Deretter flytte han til Oslo, der han arbeidde lenge i IBM.
Mack vart vald inn i kommunestyret for Høgre i 1983.
Henning Haugen ( ), Skøyte 01.12.2024
